Сурхохерчу БатIал-Хьаьжин вирд (Дала къайле цIинйойла цуьнан)

Лаилаxla иллаллахIу Мухьаммаду расувлуллахIи салаллахIу таIала lалайxlu вассалам * Амийн * АIузу биллахIи минашшайткъоанир ражийми* БисмиллахIир рахъманир рахъийми* Къахетаме волча Даьла ший духьа хIанз аз (вай) дийшача Мухьаммад пайхамар (даьлера салам моаршал хилда цунна) бисмил маьл, Йасийн маьл, кхоъ къулхIуваллахIу, ши къул аIувзу дешарах хинна маьл, Араайталлазий, АлхIакумуттакасур дешарах хинна маьл. Цар массадолча хьараках, хинна маьл, ладийгIачоа ладувгIарах хинна маьл. Сий долаш волча Даьла духьа, Дала везваь вайтача Мухьаммад пайхамараи (даьлера салам моаршал хилда цунна), сай устазаи балар аз из маьл. Цул тIехьагIа царна юкъера Дала даькъалбаьча бусалба шайхашта а овлийаашта а балар аз из маьл. БатIе даьнеи наннеи, дезалаштеи балар аз. Иштта сай даьшта а, сай ноаношта а, сай бусалба йижарашта а, вежарашта а, Даллеи, Даьла Элчанеи, сай Устазаи, бала ловча мискача наьха синошта а балар. Дала ший малхах, беттах тарра луре, совгIате баь, шийгар къахетам баь, эшар метта оттадаь, гIалаташта гешт даь, балийга вар — балех воаккхаш, Iазапе вар- Iазапах воаккхаш, балийга Iазапага воацар ший мулках, даржах лакхвеш, Дала царга из дIакхоачаболба. Везан Даьла хьай шортта болча къахетамах, элчан шапаIатах, устаза беркатах, къорIан ниIматах, дина ийманах уж а ма бахалахь тхо а ма дахалахь. Дала къахетам болба царех а вайх а Пайхамара умматах а. ДУIА Везан Даьла, тха даьшта-ноаношта гештде Iа, тха бусулба вежарашта-йижарашта гештде Iа, тхо-мискаьшта гештде Iа, Пайхмара цIенадолча умматах гештде Iа, тхо Пайхмара умматах де Iа. Везан Даьла, хье цаI ваьрех де Iа тхо, хьай Мухьаммад пайхамар бакъваьрех де Iа тхо, тхай устаз БатIи къоабалваьрех де Iа тхо, къурIан бакъдаьрех де Iа тхо, бусулба дин бакъдаьрех де Iа тхо. Везан Даьла Воккха Даьла, дунен-Iаьхартден юхь Iаьржонах лорде Iа тхо, дунен-Iаьхартден бала такхарех де Iа тхо, дуненчухь-къематаденчухь паргIато я Iа тхона, дуне-къематди даькъала де Iа тхон. Хьаьнала рузкъа да Iа, даькъала тIехье я Iа, беркате йиша-воша да Iа. Везан Даьла, массайолча махьшарашкахь дуIан даькъала Мухьмад пайхамар, Устаз БатIи ве Iа. Раббана атина пиддунйа хьасанатан, ва пил ахирати хьасанатан, ва къина Iазабаннар. АллахIумма салли Iала Мухьаммадин ваIала али Мухьаммадин вассалим.    Сурхо тIарча Хьажий мурдаш пхе параза ламаза тIехьа доккха вирд: I5 — астагIпируллах I и I00 — лаилахIа иллаллахI 5 — салот Цун маьл, Даьла Ший духьа, Мухьаммад пайхамараи (с.а.с), сай устаза БатIенеи балар аз, цул тIехьагIа цан юкъерча цIенача шейхашта балар. Дала ший малхах беттах тарра луре-совгIате баь, царга дIакхоачаболб из (тIехьа моллагIа дуIа). Саг велча: ДIаэцале цхьан цIaгIa доккха (чехка) зикар оал. Лувчаву, мерчи долл,дакъа ламаз ду, тIаккха Даьла хьехавеш кашамашка дIаболх. Къулбехьа юхь йолаш. аьтта оагIув кIала болаш лахьтий чу Iочувул. каша гонахьа латтачар Даьла а хьехавеш. Каша чура цхьа коана лаьтта хьал а ийце, цу тIа ворхIазза «инна анзалнахIу» дийше, из лаьтта мерченна чухьнахьа дакъа тIа IотIахьоарц. ТIаккха кертере хьадоладий, йост, лаьтга, цхьаккха хIама чугIоргйоацаш, айххе ипха оттаду. ТIаккха чура наха хьалбоал, зикар соцаду. ДIахо каша доккхаш хьалтесса лаьтта чухьокх. Каша хьалдузашшехь малхбузехьа чурт догI. Дисача лаьттах каша тIа боарз бу, когашакахьа гIажамаш йогI. ТIаккха къулбехьа оагIорахь боарза тIа хьатIавийрзе ЗаIам деш. Цул тIехьагIа «аллах Iумма антикъ лисанахIу биссидкъи вассаваби» дешаш, хий IотIадохийт. ДуIа ду. Из даьлча керте юхьдухьал «Ясин» яха суврат деша, керте юхьтIехьашка «ас-Саждат» деша. когшакахьа юхьдухьал «ал-Мулк» деша, когшакахьа юхьтIехьашка «ад-Духан» деша. Цу юкъа гонахьа латтачар цкъа сувратул «Фатихьа», кхозза «Ихлас», цкъа «Фалакъ», цкъа «ан-Нас» деша, дIахо пайхамара салот дул. ТIаккха маьл кхайкабай, дуIа ду. Цул тIехьагIа дакъа ийца дI амелваха саг каша гобаьккхе дIа а этге, сувратул «Ясин», кхозза «Ихлас», цкъа «Фалакъ», цкъа «ан-Нас», цкъа «Араайта», цкъа «ат-Такасур» деша. ДIахо цар маьл дIа а кхайкабий, дуIа ду. ТIаккха Даьла а хьехавеш чуболх. Чукхаьчача саг веннача коа доккха (чехка) зикар доакх. ТIаккха caгlax а кхийтте чуболх. Цу дийнахьа саррахь «Ясин», кхозза «Ихлас», цкъа «Фалакъ», цкъа «ан-Нас», цкъа «Араайта», цкъа «ат-Такасур» дийше, маьл кхайкабий, дуIа ду. Цу тIехьа цхьа бийса чакхйоал. Иштта кхыъ ялх бийса лораю. Царех ворхI бийса хул. Сурхо тIа боккъал хоза зерат да БатIал-Хьажий цIерах. Xlapa пIаьраска дийнахь дукха адам хул цига, къаьстта цунца тоба долаш бола нах ух цу зерате. Цар цу зерата гонахьа дIа а эйтге «Ясин», кхозза «Ихлас», цкъа «Фалакъ», цкъа «ан-Нас», цкъа «Араайта», цкъа «ат-Такасур» дийше маьл кхайкабу, Мухьаммад пайхамараи Сурхо тIарча хьажийнеи, цул тIехьагIа царна юкъерча цIенача шейхаштеи, овлиаштеи, дерригача пайхамара умматаи. ТIаккха дуIа ду.

 

 
 
 

Комментарии

 
 

Добавить комментарий

*

*