Марха ца кхобучун шарΙо йина кхиэл

iРамадан беттан марханаш кхабар бусалба динан арканех (коьрта дакъойх) цхьа рукна (дакъа) йолу дела, кхочуш ца дича ца долуш долу фарз долу дела, и кхаба декхар дац бохуш верг керстаналла деш ву, динах дΙахьаьвзина муртад ву. Тоба даре кхайкха веза иза, цо дохковаьлла тоба дахь, къобалдийр ду цуьнгара, бусалбанца йолу юкъаметтиг лелор ю цуьнца.
Рамадан баттахь марханаш кхабар фарз хиларна инкарло еш воцуш, хΙетте а бехказло йоцуш я цомгаш, я некъахо, я воккхастаг воцуш) верг иза керста вацахь а, фасикъ (Дала ма де бохург деш волу зуламхо) ву, Ιеса (Дала де аьлла омра динарг дуьтуш волу) стаг ву.
ШариΙатехь набахти чу волла вогΙуш ву иза, дийнахь юучух- молучух дΙахадийна мархин сурт хΙоттош.
Элчано аьлла (Делера къинхетам а, маршо а хуьлда цунна): «Бехказло йоцуш, Рамадан баттахь цхьана дийнан марха дохийнарг – цуьнга иза меттахΙотталур ма дац, цо бΙе шарахь марханаш кхаьбча а».
(Ат-Тирмизий, Ибн-МажахΙ, Ан-Насаий)
Муртазаев Сайдмохьмад

 
 
 

Комментарии

 
 

Добавить комментарий

*

*